شەفەق نیوز/ وەزارەت تەندروسی لە هەرێم کوردستان، ئمروو پەنجشەممە، مردن دوو تویشهاتگ وە ڤایڕۆس کۆڕۆنا لە پاریزگای سلێمانی راگەیان.
وەزارەتەگە لەبەیاننامەیگ ئەرا ئاژانس شەفەق نیوز وت؛ دوو پیاو تویشهاتگ وە ڤایڕۆس کۆڕۆنای نوەوبوی کۆڤید ١٩ ، یەکیگیان لە تەمەن ٥١ ساڵانە، وئەوەکە ٨٥ ساڵە، لە دانیشتووەیل شار سلێمانی، لەناو خەسەخانەگە کۆچ دویای کردن.
وەزارەتەگە سەرەخوەشی لە خاوەن دووپیاوە مردگە کرد، ودووپات کرد لەبان گرنگی پابەندبوی هاووڵاتیەیل وە رینما تەندروسیەگان. وەزارەت تەندروسی لە حکومەت هەرێم کوردستان، روژ چوارشەممە دیاریکردن ٥٠ تویشهاتگ نوو لە پارێزگای سلێمانی وناوچەی راپەڕین راگەیان.