شەفەق نیوز- هەولێر
وەزارەت پیشمەرگە، ئمڕوو چوارشەممە، خەوەردا لە سازکردن رێوڕەسمیگ فەرمی لە سەربازگەی "ستێفان" لە فڕۆکەخانەی ناودەوڵەتی هەولێر، ئەرا راگەیانن کووتاییهاتن ئەرکەیل سەربازی راوێژکارە سەربازییەیل لەناو هیزەیل ئەڵمانی لەناو تەقەلایەیل جەنگ دژ وە ریخریاگ "داعش" لە هەرێم کوردستان.
وەزارەتەگە، لە بەیاننامەیگ رەسیە ئاژانس شەفەق نیوز، وت کە رێوڕەسمەگە وە ئامادەبۊن شێخ جەعفەر شێخ مستەفا، جیگر سەرۆک هەرێم کوردستان، و شۆڕش ئیسماعیل، وەزیر پیشمەرگە، و کونسوڵەیل گشتی ئەرا هەر یەک لە هۆڵەندا و ئیتالیا، و بریکار وەزارەت پیشمەرگە عەبدولخالق بابێری، و سەرۆک ئەرکان فەریق روکن عیسا عوزێر، و ئەمیندار گشتی وەزارەتەگە فەریق روکن بەختیار محەمەد سدیق، و وەرپرس میحوەر گوێر - مەخموور لیوا سیروان بارزانی، لە شان شاندیگ لە گەورە راوێژکارەیل هیزەیل هاوپەیمان نێودەوڵەتی، و یاریدەدەرەیل سەرۆک ئەرکان، و سەرۆک ئەرکان ناوچەی سەربازی یەکەم، و نوێنەر ژوور ئۆپراسیۆنەیل هەرێم، و شمارەیگ لە وەڕێوەبەرەیل گشتی و گەورە ئەفسەرەیل وەزارەت پیشمەرگە وەڕیەو چگ.
هەمیش وت کە رێوڕەسمەگە وە مکیسیگ فەرمی لەلایەن فەرماندەی هیزەیل ئەڵمانی لە هەرێم کوردستان، کۆلۆنێل ئۆستن بیچیا، و وە ئامادەبۊن فەرماندەی گشتی هیزە چەکدارەیل لە وەزارەت وەرگری ئەڵمانی جەنەڕاڵ گونتەر شنایدەر ساز کریا، کە لەناوی وە شیوەیگ فەرمی کووتاییهاتن ئەرکەیل سەربازی هیزەیل ئەڵمانی لە هەرێم کوردستان راگەیانریا، دۊای چەن ساڵیگ لە ئامادەبۊن کارا و کاریگەر لەناو هاوپەیمان نێودەوڵەتی دژ وە ریخریاگ "داعش" لە هەرێم کوردستان و عراق.
ووەزارەتەگە دیاری کرد کە رێوڕەسمەگە رووشنایی خستە بان رۆڵ میژوویی و تەوەرەیی تیم سەربازی ئەڵمانی لە پاڵپشتیکردن هیزەیل پێشمەرگە، وە تایبەت لە رویوەڕویبوین تیرۆریستەیل "داعش" و شکاننیان.
هقزەیل پێشمەرگە و گەل و حکومەت هەرێم کوردستان، وەپای وەزارەتەگە، فرەترین سوپاس و پیزانین خوەیان ئەرا راوێژکارە سەربازییەیل ئەڵمانی و گەل و حکومەت ئەڵمانیای فیدراڵی نیشان دان، چۊ رێزگردنیگ ئەرا ئەو دەسمیەتی سەربازی و پزیشکییە و پاڵپشتی لۆجستیکی و راوێژکارییە کە پیشکەشی کردن و وە شیوەیگ وەرچەو هاوبەش بۊ لە قایمکردن توانایەیل هیزەیل پێشمەرگە و وەرەونوابردن ژیرخان سەربازیی.