شه‌فه‌ق نيوز/ وه‌رپرس محوه‌ر هيزه‌يل پێشمه‌رگه له گوێر و مه‌خمور، ئاشكراى ئه‌وه كرد، ته‌ياره‌ى هيزه‌يل هاوپه‌يمان ناوده‌وڵه‌تى تونێليگ ويران كردنه ك تيرۆريسته‌يل ريكخرياگ داعش جوور حه‌شارگه هاوردنه‌سه‌ى كار و 12 داعشى له‌تى بوينه ك له‌لايه‌ن هيزه‌يل پێشمه‌رگه‌وه ئاشكرا كرياگه.
له‌ى باوه‌ته‌و، سيروان بارزانى له به‌ياننامه‌يگ ئه‌را ئاژانس شه‌فه‌ق نيوز وت: دوياى هه‌ماهه‌نگى وه‌ل هيزه‌يل پێشمه‌رگه و دوينستنه‌وه‌ى تونێليگ تيرۆريسته‌يل داعش له به‌رزايه‌يل كويه‌ى قه‌ره‌چۆخ له وه‌رانوه‌ر ئاوايى عه‌لى ڕه‌ش، ته‌ياره‌ى هيزه‌يل هاوپه‌يمان ناوده‌وڵه‌تى دو په‌لامار ئه‌نجام دانه ئه‌را بان ئه‌و تونێله ك 12 داعشى له‌تى خوه‌يان حه‌شار داوێن.
جى باسه، هيمان پاشماوه‌يل ريكخرياگ تيرۆريستى داعش تونێل و شوونه‌يل ليژايى و كويه‌يل نزيك له هه‌ردوگ ناوچه‌ى مه‌خمور و گوێر ئه‌يه‌رنه كار ئه‌را ده‌سوه‌پيكردن په‌لاماره‌يليان دژ سوپاى عراق و هيزه‌يل پێشمه‌رگه.