شهفهق نیوز/ عه‌لی حوسه‌ین فه‌یلی، رێدار شهفهق وت: دۊمای چه‌ن ساڵ وسه‌وسێ ناخواسته ده به‌ش کوردی فه‌یلی هن ئێران، ده‌سه‌ی رێداره‌یل شهفهق دخوازن ک ئی به‌شه، سه‌قامدار و به‌رده‌وام بکه‌فێگه کار.
ئه‌و ده به‌شێ تر له قسه‌یله‌گه‌ی و جیگای به‌رزێ ک شهفهق ده نام سایته‌یل عراقی عه‌راوزوان هاوردگه‌سه ده‌س هه‌شاره‌ی کرد و وت: گشتێ زانن ک خه‌وه‌ره‌یل راسکانی و شیکاری ئیمه ده ئی چه‌نی چه‌و ده‌هه بۊه‌سه ده‌سکه‌فتێ ئه‌ڕامان تا بتانیمن عه‌راوزوان عراق و کوردزوانه‌یل به‌غدا و عراق عه‌راوی و حه‌تتا قه‌یر فره‌ی له کورده‌یل هه‌ریمیش وه‌ر ئه‌و خوه‌مان بکیشیمین.
فه‌یلی ده دریژای باسه‌گه‌ی وت: هه‌میشان هه ئاخین و داخینمان بۊ ک وه خاتر ده‌سته‌نگی و نه‌بۊن ده‌سهه‌ڵات نه‌توانستیمنه وه‌وجووره ک ده مانگنامه‌ی "گڵ سوو" و "الفیلی" کردیمنه، کارێ خاس‌و‌ڕاس ئه‌ڕا کورده‌یل فه‌یلی و زاراوه‌ی کوردی فه‌یلی و وه زوان کوردی خوه‌مانی ده ئی ماڵپه‌ڕ شهفهق بکه‌یمن، وه‌لێ ئێسه ک کرونا، وه بان گشت شه‌ڕ و شووڕه‌یلێ ک ئه‌ڔا دنیا دیرێ، ئی ده‌رپاده خسته وه‌ر چاو دنیا ک فره‌تر وه‌ر ئه‌و دنیای مه‌جازی بیان، ئیمه‌یش ئمڕوو هه وه ئانلاین موهه‌ندس مسته‌فا به‌یگی ک فره‌تر وه نازناو کوردی خوه‌ی، "رودوس فه‌یلی"، ناسریاگه، جوور به‌رپرس به‌ش کوردی ئێران ناسنیمن و هیواداریمن ک بتوانێ جوور هه‌میشان ئه‌وه‌ی ک له‌ی دخوازیمنه، ئه‌نجام بده‌ێ.
رودوس فه‌یلی، ده ساڵ 1971 میلادی، ده شار مێهران هاتگه‌سه دی و ده ساڵ 1988 زاینی، وه‌ختێ شێعرێ له‌ی هه‌فته نامه "الشه‌هاده" ک ده تهران وه کوردی و عه‌راوی، ئه‌ڕا کورده‌یل فه‌یلی عراق و ئێران، دده‌رهات، و به‌رپرسێ مه‌‌رحووم حوسه‌ین فه‌یلی، یه‌که‌م شێعره‌گه‌ی چاپ کریا، تێکوشان‌تر ده‌س‌کردگەسه شێعر کوردی وتن و له ساڵ 1995 زاینی ده تێهران، جوور یه‌کێ له ئه‌ندامه‌یل گوڤار کوردی - فارسی ئاوێنە، وەرد کاک عە‌لی حوسه‌ین فە‌یلی جوور سه‌رنووسە‌ر ئاوێنە ئاشناتر و هامکارەو بۊ و دەس‌کرد وە رووژنامە‌وانی.
دۊمای ئە‌وە، دە هەفتە‌نامە‌ی "سوبح ئیلام" بی وە سە‌رنووسە‌ر، ئمجا بی وە بە‌رپرس مانگنامە‌ی ئیلامشە‌هر و دۊمای ئە‌وانە‌یش دە فرە لە گوڤارەیل و ماڵپه‌ڕه‌یل و سوشیاڵ مدیایل کوردی، ده‌ق و هه‌واڵ و شێعر، له‌ی بڵاو کریاگه.
کاک رودوس، دو مه‌دره‌ک له دو زانکو ده تێهران گرتگه، فه‌وق لیسانس موهه‌ندسی مێعماری و فه‌وق لیسانس مودیرییه‌ت گوڕیان.
ئه‌و ده به‌شێ تر له قسه‌یله‌گه‌ی و جیگای به‌رزێ ک شهفهق ده نام سایته‌یل عراقی عه‌راوزوان هاوردگه‌سه ده‌س هه‌شاره‌ی کرد و وت: گشتێ زانن ک خه‌وه‌ره‌یل راسکانی و شیکاری ئیمه ده ئی چه‌نی چه‌و ده‌هه بۊه‌سه ده‌سکه‌فتێ ئه‌ڕامان تا بتانیمن عه‌راوزوان عراق و کوردزوانه‌یل به‌غدا و عراق عه‌راوی و حه‌تتا قه‌یر فره‌ی له کورده‌یل هه‌ریمیش وه‌ر ئه‌و خوه‌مان بکیشیمین.
فه‌یلی ده دریژای باسه‌گه‌ی وت: هه‌میشان هه ئاخین و داخینمان بۊ ک وه خاتر ده‌سته‌نگی و نه‌بۊن ده‌سهه‌ڵات نه‌توانستیمنه وه‌وجووره ک ده مانگنامه‌ی "گڵ سوو" و "الفیلی" کردیمنه، کارێ خاس‌و‌ڕاس ئه‌ڕا کورده‌یل فه‌یلی و زاراوه‌ی کوردی فه‌یلی و وه زوان کوردی خوه‌مانی ده ئی ماڵپه‌ڕ شهفهق بکه‌یمن، وه‌لێ ئێسه ک کرونا، وه بان گشت شه‌ڕ و شووڕه‌یلێ ک ئه‌ڔا دنیا دیرێ، ئی ده‌رپاده خسته وه‌ر چاو دنیا ک فره‌تر وه‌ر ئه‌و دنیای مه‌جازی بیان، ئیمه‌یش ئمڕوو هه وه ئانلاین موهه‌ندس مسته‌فا به‌یگی ک فره‌تر وه نازناو کوردی خوه‌ی، "رودوس فه‌یلی"، ناسریاگه، جوور به‌رپرس به‌ش کوردی ئێران ناسنیمن و هیواداریمن ک بتوانێ جوور هه‌میشان ئه‌وه‌ی ک له‌ی دخوازیمنه، ئه‌نجام بده‌ێ.
رودوس فه‌یلی، ده ساڵ 1971 میلادی، ده شار مێهران هاتگه‌سه دی و ده ساڵ 1988 زاینی، وه‌ختێ شێعرێ له‌ی هه‌فته نامه "الشه‌هاده" ک ده تهران وه کوردی و عه‌راوی، ئه‌ڕا کورده‌یل فه‌یلی عراق و ئێران، دده‌رهات، و به‌رپرسێ مه‌‌رحووم حوسه‌ین فه‌یلی، یه‌که‌م شێعره‌گه‌ی چاپ کریا، تێکوشان‌تر ده‌س‌کردگەسه شێعر کوردی وتن و له ساڵ 1995 زاینی ده تێهران، جوور یه‌کێ له ئه‌ندامه‌یل گوڤار کوردی - فارسی ئاوێنە، وەرد کاک عە‌لی حوسه‌ین فە‌یلی جوور سه‌رنووسە‌ر ئاوێنە ئاشناتر و هامکارەو بۊ و دەس‌کرد وە رووژنامە‌وانی.
دۊمای ئە‌وە، دە هەفتە‌نامە‌ی "سوبح ئیلام" بی وە سە‌رنووسە‌ر، ئمجا بی وە بە‌رپرس مانگنامە‌ی ئیلامشە‌هر و دۊمای ئە‌وانە‌یش دە فرە لە گوڤارەیل و ماڵپه‌ڕه‌یل و سوشیاڵ مدیایل کوردی، ده‌ق و هه‌واڵ و شێعر، له‌ی بڵاو کریاگه.
کاک رودوس، دو مه‌دره‌ک له دو زانکو ده تێهران گرتگه، فه‌وق لیسانس موهه‌ندسی مێعماری و فه‌وق لیسانس مودیرییه‌ت گوڕیان.