شه‌فه‌ق نيوز/ وه‌زاره‌ت ئه‌وقاف و كاروبار ئايينى له هه‌رێم كوردستان، نگه‌رانى خوه‌ى ده‌رخست وه‌رانوه‌ر ئه‌و فه‌توا ك له‌لايه‌ن ئه‌نجومه‌ن باڵاى فه‌تواوه‌و له هه‌رێم ده‌رچى ك له‌تى ئه‌و كه‌سه‌يله وه ڤايرۆس كۆرۆنا گيان له‌ده‌س ئه‌يه‌ن وه شه‌هيد ناوبرد.
له‌ى باوه‌ته‌و، مه‌ريوان نه‌قشبه‌ندى وه‌ڕيه‌وبه‌ر په‌يوه‌نديه‌يل گشتى له وه‌زاره‌ته‌گه له لێدوانيگ ئه‌را ئێزگه‌ى ده‌نگ ئه‌مريكا - به‌ش زووان كوردى، وت: فه‌تواى وه‌شه‌هيدكردن ئه‌و كه‌سه‌يله ك وه كۆرۆنا گيان له‌ده‌س ئه‌يه‌ن جى نگه‌رانيه‌و قه‌بول نه‌كرياگه.
نه‌قشبه‌ندى وت: خودا پله‌ى شه‌هيدى ئه‌ياد و ليژنه‌ى فه‌توا ئه‌و هه‌قه نيرێد ديارى بكا ك كى ئه‌چێده به‌هه‌يشت و كى ئه‌چێده ئاگر.
جى باسه، يه‌يش له‌وه‌ختيگه وه‌رجه چه‌ن رووژيگ فه‌توايگ ده‌رچى و له‌تى ئه‌وانه وه شه‌هيد باس كريان ك وه‌ڤايرۆس كۆرۆنا گيان له‌ده‌س ئه‌يه‌ن.