شەفەق نيوز/ پارت کرێکاران کوردستان، ئمڕوو جمعە، ئەنجامدان کۆنگرەی وەرجە چوار رووژ راگەیان، و بڕیارەیلیگ لەناوی دەرکرد کە وە "میژووی" باسی کرد، ئەوەیش ئەرا جیوەجیکردن بانگواز ریبەری عەبدوڵلا ئۆجەلان.

ئاژانس فورات کە پەیوەندی وە حزبەگەو دیرێد، بەیاننامەی حزبەگە دویای ئەو کونگرە بڵاو کرد کە لە ناوەین پەنج تا هەفت ئایار لە هەرێم کوردستان ئەنجامی دا.

بەیانامەگە باس هویردەکاریەیل ئەوە نەکرد کە ئەگەر بڕیار وازهاوردن لە چەک داگە یا هەڵوەشانن خوەی.

ئاژانسەگە لە ژوان حزبەگە وت: دوانۆەهەمین کۆنگرەی پارت کرێکاران کوردستان لەناو بڕیارەیل دەرچگ کە گرنگی میژووی دیرن لەبانەت چالاکییەیلیان، لە بنەمای بانگواز سەرۆک ئاپۆ.

 ئاژانسەگە وتیش: بڕیارە زانیاریەیلیگ هویردترەک لەی بڕبارەیلیە وەی نزیکەی زویە بڵاو بکریەێد.

ئۆجەلان، کە لە ساڵ 1999ەو زیندانی هەمیشەیی وەسەر بەێد، لەڕی پارێزەری لە 27 شوبات بانگوازیگ دەرکرد، لەناوی داوای زنیکردن تەقەلایل ئاشتی کرد، و هەڵوەشانن حزبەگە، و چەکدانین، و دووپات کرد کە خوەی وەرپرسایەتی میژووی لەو بڕیاریە هەڵگرێد.

زیاتر لە 40 هەزار کەس لە جەنگ پەکەکە کوشیا، کە تەقەلایلیگ بڕبڕ وەخوەی کی لە ماوەی ساڵەیل ئەرا ئاشتەوایی، دیارترینیان ئاگربەستی لە ناوەین ساڵەیل 2013 و2015 کە لە کۆتایی سەرنەگرد.