شەفەق نیوز/ مەفرەزەی نویسینگەی بەڕەنگاربوینەوەی تاوانەیل لە قەزای چەمچەماڵ، ئمڕوو سێشەممە، دەسگیرکردن کەسیگ راگەیان کە توومەتبارە وە دزیکردن لە 20 هاوڵاتی، لەدویای لێکۆڵینەوەی خەسیگ.
وەڕێوەبەرایەتی پۆلیس پارێزگای سلێمانی لە بەیاننامەیگ کەفتە وەرچەو ئاژانس شەفەق نیوز راگەیان، "سکاڵا لە نویسینگەی بەڕەنگاربوینەوەی تاوانەیل لە چەمچەمال توومارکریاس کە دیاریکەن ئەرا دزیان کەلوپەل هاوڵاتیەیل کە پێکتێد لە پویل و کەرەستەیل وە نرخ، لەدویای وەکارهاوردن کامیرەیل چەودێری و جیوەجیکردن ئۆپراسیۆنیگ، هێزەیل پۆلیس توەنستن دیاری ناسنامەی توومەتبار بکەن و دەسگیری بکەن هەمیش دەسبگرن وەبان بڕیگ لەو کەرەستەیلە دزیانە".ئاشکرایکرد "توومەتبار لەداڵگبوی ساڵ 1989یە ناوی (ش. أ. غ)، وەبان بڕیار دادگا وەپای مادەی 443 لەیاسای سزادان عراقی دەسگیرکریاس.