شەفەق نیوز/ وەڕێەوبەرایەتی گشتی ئەوقاف و باوەتەیل ئاینی لە پارێزگای سلێمانی لە هەرێم کوردستان، ئمڕوو یەکشەممە، پەبان ئەو رخنەیلە وەڕوی خاتوون چیلان سەڵاح سەیفەڵلا خانمە وەڕێەوبەر مزگەفتەیل هاتە دەنگ، و وت: ئەو رەخنەیلە لە گشت بنەمانیل ڕەوشتی دویرن.
وەڕێەوبەرایەتیەگە لە بەیاننامەیگ رەسیە ئاژانس شەفەق نیوز وت: دویای بڵاوکردن خەوەریگ لەبان هەژمار تایبەت ئەوقاف لە گردەوبوین خانمە وەڕێەوبەر مزگەفتەیل و وەشکین وەگەرد ئەوقاف سلێمانی و چەمچەماڵ و شەهرەزوور ئەرا چارەکردن گرفتەیل مزگەفتەیل لەلای ئیداری، بەشیگ لە هەژمارەیل لەبان سۆشیال میدیا پەلاماریگ بی دەسپیچگ لەبان ئەو خانمە کردن.
بەیاننامەگە وتیش: ئەو رەخنەیلە لە گشت بنەمایل رەوشتی وکۆمەڵایەتی دویرن.
بەیاننامەگە دووپات کرد ک چیلان خان وەڕیەوبەر بەشیگە جویر هەر فەرمانگەیگ حکومەتی لە هەرێم کوردستان.
بەیاننامەگە وتیش؛ ئی خانمە هویچ نزیکبوینیگ راستەوخۆ وەرد پیاوەیل ئاینی و خەتیب مزگەفتەیل نەیرێد، و دیاری کرد ک لە چین ئیداری لەناو فەرمانگەگە کار کەێد.