شەفەق نیوز/ وەڕیەوبەرایەتی پولیس گەرمیان لە هەرێم کوردستان، ئمڕوو سێشەممە، کوشیان پولیسیگ مەوقەی وەشوینکەفتن داواکریاییگ ئەرا دادگا لە دەورگرد قەزای کفری راگەیان.
وەڕیەوبەر راگەیانن و پەیوەندیەیل لە پولیس گەرمیان هەلی جەمال قەدوری ئەرا ئاژانس شەفەق نیوز وت: هسزیگ ئەمنی چگە ناو ماڵ کەسیگ داواکریای لە ئاوای دوراج لە ناحیەی نەوجول - قەزای کفری، دویای دەرچگن فەرمان دەسگیرکردنی وە توومەت هەڕەشە و چزداین هاوڵاتیەیل.
وتیش؛ مەوقەی جیوەجیکردن ئەو ئەرکە، توومەتبارەگە تەقە لە مەفرەزەی ئەمنیەگە کرد کە بویە هوکار کوشیان یەکیگ لە ئەندامەیل مەفرەزەگە، وتیش: توومەتبارەگە وەرەو دەیشت ئاوایەگە وایە, ئەرا ناوچەیگ کە داعش تیرۆرست هاناوی.
قەدوری دووپات کرد ک مینەکردن و وەشوینکەفتن ئەرا دەسگیرکردن تاوانبارەگە وەردەوامە، و تەرم پولیسەگە ئەرا پزشک دادوەری بریا.