شەفەق نیوز/ چوار کوێەلەوان کورد دوو ژن لەناویان بویە، لە ئەنجام کەفتنیان وەناو بڕیگ وەفر لە نزیک شار "بانا" لە كوردستان ئیران گیانیان لەدەسدان.
ئەو چوار کەسە ئیوارەی دویەکە جمعە دیاریان نەما، وەگورەی میدیایلیگ کورد زوان لە ئیران.
دە کەس لە ئەندامەیل تیمەیل "پاژین"، و"کوێە سوور" لە وەرزشی کوێەلەوانی کەفتنە ناو ئەو بڕە وەفرە مەوقەی چگنیان لە نزیک شار "بانا".
ئەو چوار کەسە گیانیان لەدەسدان، و سێ کەسیش لە ژیر وەفر دراوریان، و هیمان سێ کەس ترەک بیسەروشوینن.