شەفەق نیوز/ چوار کەس گیان لەدەسدان ک دوانیان ژنن لە رویداویگ هاتوچو لە سنوور ئیدارەی راپەرین لە هەرێم کوردستان رویدا، وەپای ئەوەگ بەش فریاکەفتن خەسخانەی "حاجیاوا" ئمڕوو جومعە رایگەیاندیە.
بەش فریاکەفتن لە بەیاننامەیگ راگەیان، لەدویای نیمەڕوو ئمڕوو رویداویگ هاتوچو لەبان ری بالیسان-شکارتە سەر وە ئیدارەی راپەڕین رویدایە چوار کەس گیان لەدەسدانە و یەکیگیش زەخمدارە.
وەپای بەیاننامەگە، رویداوەگە لەمابەین بارهەڵگریگ و ماشین کراگریایگ رویدایە، دیاریکرد تەرم قوربانیەسل ئەرا فەرمانگەی پزیشک یاسایی کلکریاس و پۆلیس دەسکردیە وە لێکۆڵینەوە.