شەفەق نیوز/ کامەران عوسمان، ئەندام ریخریاگ  "CPT" ئەمریکی کە تایبەتمەنە وە توومارکردن پەلامارەیل تورکیا و ئیران لە هەرێم کوردستان، ئمڕوو دووشەممە، خەوەردا لە کوشیان و زەخمداری پەنج مەدەنی وە گورز ئاسمانی تورکیا، وەبان ماشینیگ مەدەنی لە یەکیگ لە ئاوایەیل.

عوسمان ئەرا ئاژانس شەفەق نیوز وت: فرۆکەیگ بیفرۆکەوان تورکی لە ساعەت سێ و نیم ئیوارە، ماشینیگ مارکەی تویۆتا لاندگروز لەبان ری سەرەکی ئاوای كردجان سەروە ناحیەی چوارقوڕنە لە ئیدارەی سەروەخوەیی راپەڕین کردە ئامانج، کە بویە هوکار کوشیان چوار کەس دوو ژن و دوو پیاو، ت زەخمداری مەدەنییگ ترەک وە کووڵ ماتۆرسکیڵ وە پەراشەی تەقیانەگە.

وتیش: تا ئیسە ناسنامەی قوربانیەیل دیاری نەکریانە. 

وەرجەیە، سەرچەوەیگ ئەمنی لە پولیس ئیدارەی سەروەخوەیی راپەڕین دووپات کرد  لە تەقیان ماشینیگ لە ئاوای كردجان، وتیش؛ رویداوەگە بویە هوکار کوشیان سێ کەس لەو وەختە، وەرجە ئاشکرابوین کوشیان کەسیگ چوارەم وە کووڵ ماتۆرسکیڵ.