شەفەق نیوز/ شار رانیە لە پارێزگای سلێمانی، شەفەق ئمڕوو یەکشەممە، رویداو تەقەکردن وەخوەی دی، کە رەسیە زەخمداری چوار کەس، یەکیگیان مەوقەی بردنی ئەرا خەسەخانە گیانی.

وەڕیەوبەرایەتی پولیس رانیە لە بەیاننامەیگ فەرمی رەسیە ئاژانس شەفەق نیوز وت: رویداوەگە ساعەت یەک دویای نیمەشەو بویە، کە زەخمدارەیل ئەرا خەسەخانەی گشتی رانیە،  سێ کەسیان چارەسەری بردن، و پزشکەیل نەتوەنستن زەخمدار چوارەم رزگار بکەن، کە لەناو ری وەرەو سلێمانی گیانی لەدەسدا.

دیاری کرد کە ئەو زەخمدارەیلە تەمەنیان ناوەین 15 و20 ساڵان بویە وخەڵک گەڕەکەیل جیاجیا بوینە لە رانیە، دووانیان خەەنەوارن  (د.ج.ئ) لەداڵگبوی ساڵ 2007 و(ب.م.ئ) لەداڵگبوی ساڵ 2009، هەردوگیان خەڵک گەڕەک كيوه‌ره‌ش، وەگەرد (ژ.أ.ك) لەداڵگبوی ساڵ 2004 خەڵک گەڕەک وەلادە، کە گیانی لەدەسدا، و(ب.ف.ك) لەداڵگبوی ساڵ 2004 لە گەڕەک سەرتر کە هیمان هاناو خەسەخانەی رانیە.

پولیس دیاری کرد کە ئەو کەسەیلە مەفاتسا وەر گولە، وەبی ئاشکراکردن شیوەی و مدوو و لایەن تەقەکردنەگە.

بەیاننامەگە وتیش: دەسەڵاتەیل دادوەری فەرمان دەسگیرکردن تاوانکارەیل دەرکرد وەگورەی مادەی (406) و(405 تەوەر 31) لە یاسای سزادان عراقی، وتیش؛ لێکۆڵینەوە ئەرا رەسین وە بندروس رویداوەگە وەردەوامە.