شەفەق نیوز/ سەرچەوەیگ لە پارێزگای سلێمانی، ئمڕوو چوارشەممە، خەوەردا لە کوشیان گەنجیگ و زەخمداری دوو کەس وە رویداو پلیان ماشینیگ.
سەرچەوەگە ئەرا ئاژانس شەفەق نیوز وت: رانندەی ماشینیگ مارکەی (شۆڤرلێه کامارۆ) لە دەسی دەرچگ لەبان رییگ نزیک جادەی (شاری دایک) لە شار سلێمانی، کە بویە هوکار پلیان ماشینەگە و مردن گەنجیگ وەناو "ترۆسك غەفار" و زەخمداری دوو کەس ترەک.
سەرچەوەگە وتیش؛ تیمەیل هاتوچو و لایەنەیل پەیوەندیدار رەسینە شوین رویداوەگە و زەخمدارەیل ئەرا خەسەخانە بردن.
وتیش: تەرم قوربانیەگە دریا دەس بنەماڵەی دویای وەشکین یاسایی لە خەسەخانەی پزشک دادوەری لە سلێمانی.