شەفەق نیوز/ وەڕێوەبەرایەتی گشتی کاروبار مین لە ئیدارەی گەرمیان، ئمڕوو سێشەممە، راگەیانکوریگ ناخاڵ وە تەقیان مین لە ئاوای "عەلی میر" سەر وە ناحیەی قورەتو گیان لەدەسدایە.
لە بەیانیگ وەڕێوەبەرایەتیەگە کە وە ئاژانس شەفەق نیوز رەسیە هاتیە، ناخاڵەیگ دانشتگ ئاوای "عەلی میر" وە تەقیان مین گیان لەدەسدایە، وتیش ناخاڵەگە وەگەرد باوگی بویە کاری شوان بویە هەنای دەسکاری مین کوەنەیگ کەێد بوودە هووکار ئەوەگ وەپیا بتەقێد.
لە بەیانامەگە دیاریکرد تەقینەوەگە بویەسە مدوو مردن ناخاڵەگە، وەگەرد مرداربوین 20سەر پەس.
لە بەیاننامەگە داوا لە هاوڵاتیەیل کەێد دەسکاری مین و وەجیماگەیل جەنگی نەکەن هەنای پەیایکەن لەلی دویرەوبکەفن و دەسکاری نەکەن، داوا لەلیان کەێد پەیوەنی وە کڕ گەرم (١٨٢) تایوەت وە وەڕێوەبەرایەتیەگە بکەن لە پسایگ پەیاکردن مین.