شەفەق نیوز/ وەریەوبەرایەتی گشتی نەهیشتن تونوتیژی لەبان ژن و خیزان لە هەرێم کوردستان، ئمڕوو چوارشەممە، توومارکردن دەیان کوشتن ژن راگەیان، و زیاتر لە ٣٥٠٠ دەسدرویژیکردن لەبان ژن، لە گشت ناوچە و شارەیل هەرێم کوردستان.
فێنک شەفیق خانمە وەڕیەوبەر وەڕیەوبەرایەتیەگە لە کۆنگرەیگ رووژنامەوانی لە هەولێر ئاژانس شەفەق نیوز ئامادەی بوی وت: پارەکە ١٥ هەزار و ٨٩٧ باوەت لێکۆڵینەوە لە تونوتیژی لەبان ژن و خیزان توومار کردیمن، و وەڕیەوبەرایەتیەگە زیاتر لە ٨ هەزار باوەت لەلیان تەواو کرد و نزیکەی ٤ هەزار لەلیان مەنیە.
وتیش: وەڕیەوبەرایەتیەگە پارەکە پیشیلکاریەیل جیاجیا لەبان ژن توومار کردنە، لەناویان ٤٤ کوشتن، و ٣٥١٥ دەسوەشانن، و ٣٤٠٤ مرافە، و ٢٠٥٩ هەڕەشە، و ٥٣٩ خيانەتکاری.
فێنک خان وتیش: زیاتر لە ٦٠٠ توومەتبار وە تونوتیژی هانە زیندان، و ٥٠٠ توومەتبار وە دەسدرویژکردن لەبان ژن و خیزان دەسگیر نەکریانە.