شەفەق نیوز/ یەک کەس کوشیا، و نۆ کەسیش لەلای کەمەو زەخمدار بۊن، وە دوو رۊداگ جیاجیا لە دوو ناوچەی جیاجیا لە هەرێم کوردستان.  

وەڕیەوبەرایەتی تەندروسی لە قەزای چەمچەماڵ لە بەیاننامەیگ رەسیە ئاژانس شەفەق نیوز وت: ماشینیگ نیمەڕو ئمڕوو لەبان ری چەمچەماڵ – کەرکوک نزیک ناحیەی قەرەهەنجیر پلیا، و بۊە هووکار کوشیان یەک کەس و زەخمداری دوو کەس.  

بەیاننامەگە دیاری کرد ک ئەو کەسە کوشیاگە هالە تەمەن ٤٩ ساڵان، و دیاری کرد ک دۊای ریکارەیلە لە بنکەی فریاکەفتن چەمچەماڵ، تەرمەگەی وەرەو پزشک یاسایی سلێمانی بریا.  

لە رۊداویگتر، لەبان ری پێنجوێن – سەی سادق، کەفتە ناوبەین دوو ماشین،  و بۊە هووکار زەخمداری ٨ کەس، دووانیان زەخمیان سەختە.