شەفەق نيوز/ سەرچەوەیگ ئەمنی، شەو جمعە لەبان شەممە، خەوەردا لە کوشیان کەسیگ و زەخمداری دوو کەس ترەک، لە ئەنجام ئاگریگ لە ئاوای "سۆربەش" سەروە ناحیەی شەمامك لە دەورگرد پارێزگای هەولێر، لە ئەنجام ئەو زریان تونە کە شارەیلیگ لە هەرێم کوردستان گردەو.

سەرچەوەگە ئەرا ئاژانس شەفەق نیوز دیاری کرد کە قوربانیەگە پیاییگ عەرەب بویە کە کار پاسەوانی کەێد، وتیش: تیمەیل وەرگری شارستانی رەسینە شوین رویداوەگە.

 ئی رویداو لە ئەنجام زریانیگ تون تیەێد کە شەو جمنعە داد لە شار هەولێر و دەورگردی و بویە مدوو زەرەدەیل گەورەیگ، لەلییان رميان بەشیگ لە کلیسای مار یوسف لە عەنکاوا، و هیزگردن ئاگر لە نێزیکەی 700 دۆنەم زەوی کشتوکاڵی، بیجگە رمیان دارەیل وەبان ماشینەیل مەردم، و زەخمداری یڕیگ مناڵ لە ئەنجام کەفتن هەیتاوەیگ لە یەکیگ لە گەڕەکەیل شارەگە.

 وەزارەت کارەبا لە هەرێم کوردستان، راگەیان کە زریانەگە کڕەیل فشار بەرز رمان و کارەبا لە ناوچەیلیگ لە دهۆک و هەولێر بڕی، و زیاتر لە 1000 میگاوات لە وزە لە کار کەفت، تا تیمەیل کۆنتڕۆڵکردن ناوەندی توەنستن بەشیگ لە سیستەمەگە گلەو بارن.