شەفەق نیوز/ وەرپرسیگ ناوخوەیی، ئمڕوو چوارشەممە، خەوەردا کە فڕۆکەیگ بێفڕۆکەوان پەلامار ماشینیگ لە ناحیەی خەلەکان سەروە قەزای دوکان لە پارێزگای سلێمانی هەرێم کوردستان دا، کە سێ کەس لەناو ئەو ماشینە بوین.

قایمقام قەزاگە سیروان سەرحەدۆ ئەرا ئاژانس شەفەق نیوز وت: پەلامارەگە بویە هوکار کوشیان هەر سێ کەسەگە لەناو ماشینەگە، و لایەنەیل پەیوەندیدار تا ئیسە ئەو کەسەیلە نەناسینە.

وتیش: تیمەیل رزگارکردن وەکوتپڕ رەسینە شوین رویداوەگە، و توەنستن ئاگر ماشینەگە کپەو بکەن.

سەرحەد وتیش: ئاگر ماشینەگە وەتەواوی سزان، و تەرمەیل بوینە زوخاڵ، ئەراوە قوربانیەیل نەناسیان.

لەوەختیگ هیمان هوکارەیل ئەو پەلامارە نادیارە، لایەنەیل ئەمنی دەسکردنە لێکۆڵینەوە ئەرا رەسین وە بندروس رویداوەگە.

تا ئیسە لە هویچ لایەنیگ فەرمی بەیاننامەیگ نەهاتیە.