شەفەق نیوز/ وەگورەی سەرچەوەیگ پزشکی، و بەیاننامەیگ لە پۆلیس، ئمڕوو چوارشەممە، لە وەر تەقەکردن لەناوڕاس شار سلێمانی لە هەرێم کوردستان، یەک کەس کوشیاز و کەسیگ تر زەخمدار بۊی.
سەرچەوەیگ لە خەسەخانەی فریاگوزاری سلێمانی ئەرا ئاژانس شەفەق نیوز وت: کەسیگ وەرجە رەسینی ئەرا خەسەخانە گیانی لەدەسداز و کەسیگ تر زەخمدار بۊی، ئەوەیش وە تەقەکردن لەلیان لەناوڕاس شار سلێمانی.
سەرچەوەگە وتیش؛ هاووڵاتییگ وەناو سیامەند محمد کەریم لە تەمەن ٤٦ ساڵان کوشیا.
لەی مەوقە، پۆلیس سلێمانی وت: هێزەیلی بکوش هاووڵاتییگ لەناو فیلکەی نالی لەناوڕاس سلێمانی دەسگیر کریا.
پۆلیس دیاری لە بەیاننامەیگ رەسیە ئاژانس شەفەق نیوز وت مەفرەزەیلی لەناو بازاڕەیل سلێمانی، ئمڕوو چوارشەممە ز ئەو توومەتبارە ک پەلامار یەکیگ لە دوکانەیل لە فیلکەی نالی لەناوڕاس سلێمانی داگە دەسگیر کرد.
وتیش توومەتبارەگە لە ساڵ ١٩٨٤ لەداڵگبۊیە، وەگورەی مادەی ٤٠٦ لە یاسای سزادان عراقی دەسگیر کریا.