شەفەق نیوز/ سامان نادر وەڕیەوبەر بنکەی فریاکەفتن سلێمانی، ئمڕوو شەممە، کوشیان دوو گەنج وە نزەکردن گاز لە شوین نیشتەجیبوینیان لە یەکیگ لە گەڕەکەیل پارێزگاگە راگەیان.
نادر ئەرا ئاژانس شەفەق نیوز وت: دوو گەنج، ئیوارەی ئمڕوو، لەوەر نزەکردن گاز لە سۆپەیگ لە شوین نیشتەجیبوینیان لە گەڕەک مامووستایان ناوڕاس شارەگە گیانیان لەدەسدان.
وتیش: دویای رەسین تیمەیل رزگارکردن دەرکەفت ک یەکیگ لە کەنجەیل گیانی لەدەسدایە، و ئەوەکە بریا خەسەخانە.
سەرچەوەیگ تەندروسی ئەرا ئاژانس شەفەق نیوز وت: ئەو گەنجەگە دویای رەسین ئەرا خەسەخانە گیانی لەدەسدا، وتیش: دوو گەنجەگە کار لە سلێمانی کەن، و لە نەتەوەی عەرەبن، و تەمەنیان ٣٥ ساڵە.