شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە کوشیان کوڕ و دوێەتیگ دویای سەرهەڵگردنیان وەمینەی هاوسەرگیریکردن لە شەنگال.
سەرچەوەیگ ئەمنی لە پارێزگای نەینەوا ئەرا ئاژانس شەفەق نیوز وت: ئمڕوو، تەرم کوڕ و دوێەتیگ ئەیزیدی لە ئاوای ئەدیکا لە ناحیەی سنۆنی لە قەزای شەنگال پەیا کریا، و دیاری کرد ک هەردوگیان گولە لە سریان دریاگە.. سەرچەوەگە دیاری کرد ک لێکۆڵینەوەیل سەرەتایی نشان دەن ک رووداوەگە تاوانیە، و مەزەنە کریا ک دوێەتەگە وەگەر کوڕەگە سەرهەڵگردگە چوینکە خیزانەیلیان رازی وە هاوسەرگیرییان نەوینە.