شەفەق نیوز/ سەرچەوەیگ ئەمنی لە فەرمانگەی هاتوچو کەرکوک، ئمڕوو شەممە، خەوەردا لە کوشیان چوار کەس لە یەک بنەماڵە، لە ئەنجام رویداویگ هاتوچو دڵتەزن لەبان ری کەرکوک و هەولێر.
سەرچەوەگە ئەرا ئاژانس شەفەق نیوز وت: چوار کەس، کە باوگ و داڵگ و دوو مناڵ بوینە، لەناو ماشینیگ مارکەی میتسۆبیشی پیکئاب لە هەولێر وەرەو کەرکوک چگنە، تویش رویداویگ هاتوچو وەرد ماشینیگ بارهەڵگر گەورە هاتن، کە بویە هوکار کوشیان گشت خیزانەگە.
سەرچەوەگە وتیش: رانندەی ماشینە بویجگەگە فرە وە تونی رانیە، ئەراوە تویش ئی رویداوە هاتنە، و تەرمەیل ئەرا پزشک دادوەری کەرکوک بریان.