شەفەق نیوز/ دویەشەو لە وەخت دیریگ، لە شار سلێمانى، دویای ئەوەگ مەفرەزەیگ ئاسایش سلێمانى خوازێد کەسیگ وە توومەت بازرگانیکردن و وەکارهاوردن مادەى هوشبەری دەسگیر بکەێد، کەسەگە تەقە لە مەفرزەگەی ئاسایش کرد و و کارمەنیگ ئاسایش گیانی لەدەسدا. 

وەپەی ئەو زانیارییەیل سەرەتاییە: لەساعەت 1:30ی دویەشەو جمعە لەبان شەممە، مەفرەزەیگ ئاسایش سلێمانى چینەسە ناو ماڵیگ تا  کەسیگ وە توومەت وەکارهاوردن و بازرگانیکردن وە مادەى هوشبەری دەسگیر بکەن، باوجی کەسەگە تەقە لەلیان کرد و  بویە هووکار کوشیان کارمەنیگ ئاسایش ک تەمەنى 40 ساڵە و خیزاندارە، ک فیشەکیگ رەسیەسە سینگى  و وەسەختى زەخمدار بویە و دواى ئەوەگ رەسیاسە خەسەخانە  گیانی لەدەسدا.