شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو یەکشەممە، پیشوازی لە باڵوێز یەکێتی ئەوروپا لەلای عراق مارتن هۆی کرد ک وەبۆنەی کۆتایی ئەرکەیلی سەردان هەرێم کوردستان کەێد.
حکومەت هەرێم کوردستان لە بەیاننامەیگ وت: لە سەرتای چەوپیکەفتنەگە، سەرۆک حکومەت هەرێم دەسخوەشی لە تەقەلایل باڵوێزەگە لە ماوەی کارەگەی کرد و ئەرا ئەو دەوریە لە بتەوکردن پەیوەندیەیل یەکێتی ئەوروپا وەرد عراق و هەرێم کوردستان، و ئومید سەرکەفتن لە ئەرکەیل ئایندەی خوازێد.
هەرلیوا، باڵوێز یەکێتی ئەوروپا لەلای عراق باس لە سوپاس و رێز خوەی ئەرا دامەزراوە پەیوەندیدارەیل لە حکومەت هەرێم کوردستان کرد، ئەرا هەماهەنگی و هاوکارییان و لەبان ئەو ئاسانکاریەیلە ئەرا کار شاند یەکێتی ئەوروپا، و وتیش؛ یەکێتی ئەوروپا ئەوەسا لە پشتگیریکردن هەرێم کوردستان وەردەوام بوود.
هەمیش هەردوگ لایەنەگە باس رەوش گشتی عراق کردن، وەتایبەت ئامادەکاری ئەرا هەڵبژاردن هاتگ.
مەسرور بارزانی، ئمڕوو، هەمیش پیشوازی لە دکتۆر هەیسەم جبوری سەرۆک کۆمەڵەی کەفائات کرد.
بەیاننامەیگ حکومەتی وت: لە چەوپیکەفتنەگە باس دویاترین گەشەیل و نووەوەبویەیل لە عراق کریا، و هەمیش باس ری پەیوەندیەیل ناوبەین حکومەت هەرێم کوردستان و حکومەت فیدڕاڵی.