شەفەق نيوز/ سەرچەوەیگ ئەمنی، ئمڕوو شەممە، خەوەردا کە تووپ تورکیا شوینەیل پەکەکە لە ئاوایەیلیگ لە کەژ کویەی گارە لە قەزای ئامێدی باکوور پارێزگای دهۆک لە هەرێم کوردستان کردە ئامانج.

 سەرچەوەگە دیاری کرد کە ئاوایەیل (مژێ و کەڤنەمژێ) کەفتە وەر تووپواران سەختیگ، و وەرجە دوو ساڵ لەوەر جەنگ تورکیا و پەکەکە خەڵک ئاوایەگە چووڵیان کردنە.

یەیش دویای یەی رووژ لەوە تیەێد کە پەکەکە ئەنجامدان کۆنگرەیگ وەرخە چەن رووژیگ راگەیانر لەناو بڕیارەیلیگ میژووی دەرکردیە، لە وەڵامدان بانگەوازەگەی ئۆجەلان ریبەری.

ئاژنس فورات کە پەیوەندی وە حزبەگەو دیرێد، بەیاننامەی حزبەگە دویای ئەو کۆنگرە دەرکرد کە لە ماوەی ناوەین پەنج تا هەفتە ئایار لە هەرێم کوردستان ئەنجام دریاس.

بەیانامەگە باس هویردەکارەیلیگ نەکرد کە ئایا بڕیار داگە واز لە چەک بارێد یا خوەی هەڵوەشنێد.

لە 27 شوبات، ئۆجەلان کە زیندانی هەمیشەیی لە ساڵ 1999ەو وەسەر بەێد، لەڕی پارێزەری بانگوازیگ دەرکرد لەناوی دانی زنیکردن تەقەلایل ئاشتی کرد، و هەڵوەشانن حزبەگە و وازهاوردن لە چەک، و دووپات کرد کە خوەی وەرپرسایەتی میژوویی لە بڕیارەگەی هەڵگرێد.