شەفەق نيوز/ سەرچەوەیلیگ ئەمنی و وەچەودیەیلیگ، ئمڕوو شەممە، خەوەردان ک گورزیگ ئاسمانی تورکیا ئەندامەیلیگ لە پەکەکە لە کەمپ ئاوارەیل لە قەزای مەخمور کردە ئامانج، و قوربانی لەلی کەفتەو.
سەرچەوەیگ ئەمنی ئەرا ئاژانس شەفەق نیوز وت: گورزیگ ئاسمانی وە فڕۆکەیگ تورکیا، ئمروو کەفتە نزیک کەمپ ئاوارەیل لە قەزای مەخمور، و ماشینیگ (پیک ئاپ) کردە ئامانج، و بویە هووکار زەخمداری دووان لە دانیشتگەیل کەمپەگە لەلایەنگرەیل پەکەکە.
لەلای خوەیانیش، وەچەودیەیلیگ لە قەزای مەخمور ئەرا ئاژانس شەفەق نیوز وتن: گورزەگە ناوچەیلیگ لەباشوور کەمپەگە کردە ئامانج، و ماشینەیل فریاکەفتن روی وەرەو شوین رویداوەگە کردن، وەبی زانستن شمارەی زەخمدار و کوشیایەل.
لەلای خوەییش، رزگار محمد قایمقام قەزای مەخمور ئەرا ئاژانس شەفەق نیوز وت: کەمپ مەخمور کەفتە وەر گورزیگ تورکیا.