شەفەق نیوز/ سەرچەوەیگ ئەمنی لە دهۆک، ئمڕوو شەممە، خەوەردا ک ناوچەیگ لە قەزای عمادیە لە پارێزگاگە کەفتە وەر گورز ئاسمانی و تووپ لەلایەن سوپای تورکیا.
سەرچەوەگە ئەرا ئاژانس شەفەق نیوز وت: تووپ و فڕۆکەی تورکیا، هەر لە ساعەت هەشت شەوەکی ئمڕوو، بمباران شۊنەیل پەکەکە لە ناوچەی رێکان لە ناحیەی شیلادزێ سەروە قەزای عمادیەی باکوور پارێزگای دهۆک کەێد.
سەرچەوەگە وتیش: هیمان لەوەر وەردەوامی بمبارانەگە، بڕ زەرەدەیلە ئاشکرا نەۊە.