شەفەق نیوز/ سەرچەوەیگ ئەمنی لە دهۆک، ئمڕوو پەنجشەممە، خەوەردا فرۆکە جەنگیەیل تورکیا، پەلامار ناوچەیل سەر وە پەکەکە دانە کنار کویەی مەتین کە کەفێدە بان قەزای ئامێدی لە باکوور پارێزگاگە.
سەرچەوەگە ئەرا ئاژانس شەفەق نیوز ئاشکرایکرد "گورزەیل وەشیوەی راستەوخوەی ئاوای سکیری کوەنە کردیەسە ئامانج، کە یەکیگە لەو ئاوایەیلە لە ماوەی چەن سا گوزەشتە مەردمەگەی چوڵی کردن لەوەر وەردەوامبوین رویوەرویبوینەیل سەربازی ناوەین سوپای تورکیا و پەکەکە.
دیاریکرد، "ئێ چەکدارەیلە پەنابردنەسە وەر تەکنیکەیل نوو لە جموجویلیان، خوەیان لەناو ئاوای چوڵەیل شارنەو پەناگرن، یەیش هیشتیە پەلامارە ئاسمانیەیل تورکیا بڕەسێد ئەرا ویرانکردن وە تەواوی یا نیمچەیی، و هیشتیە گلەوخواردن دانشتگەیلی لە ئایندە قورس بوود".