شەفەق نیوز ـ هەولێر
ئەنجومەن باڵای فەتوا لە هەرێم کوردستان، ئمڕوو شەممە، بەیاننامەیگ لەبان رێکارەیل شەڕعی ئەرا راوکردن مەل و گیاندارەیل کێوی دەرکرد.
ئەنجومەنەگە لە بەیاننامەگەی، ئەرا جواوداین نامەیگ فەرمی کە وەلایەن وەڕێوەبەرایەتی ئەوقاف لە هەرێم ئاڕاستەی کریاوێد وت: "راوکردن لە چوارچێوەی شەریعەت ئیسلامی کاریگ ڕێگەوەپیدریاگە و دروسە وە مەرجیگ پابەندبۊن وە رێکار و کۆڵەکەیل شەڕعیی خوەی".
وتیش؛ "مەرجە کە راوکەر هەوەجەی راسکانی ئەرا کوشتن مەل یان گیاندارەکە بیاشتوود، و ئامانج لە راوکردنەگە تەنیا خوەشی و وەختوەسەربردن و پڕکردن ئارەزووەیل کەسی نەوود".
دیاریکرد: لە رووی شەڕعییەوە رێگە درێد وە لەناوبردن ئەو گیاندارە دڕندە و زیانبەخشەیلە وساینە وەرانبەر سەلامەتی ئادەمیزاد و زەرەد وە بوسان و باخ و داراییەیل بڕەسەنن، جوور (وەراز، گورگ، کوڵاژدم، و مار... و ئەوانەگ ترەک)؛ لەوەر ئەوەگ پاراستن ژیان ئادەمیزاد و بەرژەوەنیەیل لە پلەی یەکەم تێد لەدویای دین لە ئامانجەیل شەڕعی.
ئەنجومەنەگە دووپاتکرد لەبان"پاراستن ژینگەی سروشتی رەنگین کە خواداوەند بەخشیەسێ وە هەرێمەگە"، و دووپاتکرد پاراستنی وەرپرسیارێتییگە کەفێدە بان شان گشت کەسیگ، وەتایبەت وەرپرسەیل و خاوەن دەسەڵاتەیل.
کوردستان.. ئەنجومەن باڵای فەتوا بەیاننامەیگ لەبان راوکردن مەل و گیاندارەیل دەرکرد
شەفەق نیوز ـ هەولێر
ئەنجومەن باڵای فەتوا لە هەرێم کوردستان، ئمڕوو شەممە، بەیاننامەیگ لەبان رێکارەیل شەڕعی ئەرا راوکردن مەل و گیاندارەیل کێوی دەرکرد.
ئەنجومەنەگە لە بەیاننامەگەی، ئەرا جواوداین نامەیگ فەرمی کە وەلایەن وەڕێوەبەرایەتی ئەوقاف لە هەرێم ئاڕاستەی کریاوێد وت: "راوکردن لە چوارچێوەی شەریعەت ئیسلامی کاریگ ڕێگەوەپیدریاگە و دروسە وە مەرجیگ پابەندبۊن وە رێکار و کۆڵەکەیل شەڕعیی خوەی".
وتیش؛ "مەرجە کە راوکەر هەوەجەی راسکانی ئەرا کوشتن مەل یان گیاندارەکە بیاشتوود، و ئامانج لە راوکردنەگە تەنیا خوەشی و وەختوەسەربردن و پڕکردن ئارەزووەیل کەسی نەوود".
دیاریکرد: لە رووی شەڕعییەوە رێگە درێد وە لەناوبردن ئەو گیاندارە دڕندە و زیانبەخشەیلە وساینە وەرانبەر سەلامەتی ئادەمیزاد و زەرەد وە بوسان و باخ و داراییەیل بڕەسەنن، جوور (وەراز، گورگ، کوڵاژدم، و مار... و ئەوانەگ ترەک)؛ لەوەر ئەوەگ پاراستن ژیان ئادەمیزاد و بەرژەوەنیەیل لە پلەی یەکەم تێد لەدویای دین لە ئامانجەیل شەڕعی.
ئەنجومەنەگە دووپاتکرد لەبان"پاراستن ژینگەی سروشتی رەنگین کە خواداوەند بەخشیەسێ وە هەرێمەگە"، و دووپاتکرد پاراستنی وەرپرسیارێتییگە کەفێدە بان شان گشت کەسیگ، وەتایبەت وەرپرسەیل و خاوەن دەسەڵاتەیل.