شەفەق نیوز/ سامان بەرزنجی وەزیر تەندروسی لە هەرێم کوردستان، ئمڕوو دووشەممە، راگەیان داوەزین تووشهاتنە رووژانەگان وە ڤایڕۆس کۆڕۆنا لە هەرێم ئەرا زیاتر لە ٥٠ لەسەد، و دووپات کرد ک بیماری «سارس» لە هەرێم نییە.
ئەوەیش لە کۆنگرەیگ رۆژنامەوانی لە هەولێر هات لە دویای کۆبونەوەی بەرزنجی وەگەرد دەسەی تەندروسی لە پەرلەمان هەرێم کوردستان.
بەرزنجی لەو کۆنگرە ک ئاژانس شەفەق نیوز چەودیریی کرد وت: رێژەی تووشهاتنەگان وە کۆڕۆنا ئەرا ئاستەیل خاسیگ داوەزیان، وەتایبەت وەگەرد وسانن دەوام مەکتەوەگان، و ئیمە روێکەیمنە داوەزین فرەتر، و ئومید دیریمن کۆنتڕۆڵ پەتاگە بکەیمن.
و دیاریکرد ک رێژەی تووشهاتنەگان وە پەتاگە لە هەرێم کوردستان ئیسە ئەرا ٥٠ لەسەد داوەزیا وەگورەی کۆتایی مانگ گوزەیشتە.
بارزانی هووشداری لە وەردەوامی مەترسی ڤایڕۆسەگە کرد و وت: هەرچەن تووشهاتنەگان کۆڕۆنا داوەزیانە، بەڵکم هیمان ڤایرۆسەگە مەترسی دیرێد.
هەمیش وت: ئەوەسا راپۆرت نوویگ لە سەرەتای مانگ ئایندە ئامادە کەیمن، و بڕیار دەیمن ئەگەر دەوام مەکتەوەگان بکریەنەو یا نەکریەنەو.
دەربارەی ئەو باسکردنە لە بیماری «سارس» لە هەرێم، بەرزنجی جەختکرد ک بیماری سارس لە هەرێم کوردستان نییە.