شەفەق نیوز/ نۊنەر حکومەت هەرێم کوردستان لەفەرەنسا، ئمروو یەکشەممە، ئەوە رەدکرد ک چەن رووژیگە لە تووڕە کۆمەڵایەتیەگان بڵاوبۊیە، لە باوەت لیستیگ وە ناو شمارەیگ لە کووچبەرەیل کورد ک لە مانگ گوزەشتە لە کنارئاوەیل فەرەنسا خنکیان، داواکەێد رێز لە هەس کەسوکار قوربانیەیل هەرێم کوردستان بگیرێد.
لە بەیاننامەیگ ک وە لایەن نۊنەرەگە رەسیە ئاژانس شەفەق نیوز وت: "چەن رووژیگە له تووڕە كۆمه‌ڵایه‌تییه‌گان لیستیگ لە چه‌ن ناوییگ بڵاوكریایە، ک گوایه ناو ئه‌و قوربانییەیلە له رووداو به‌له‌مه نقوومبۊیگەی مابەێن فه‌ره‌نسا و به‌ریتانیا بۊینە قوربانی له رووژ 24 مانگ تشرین دۊیەم گوزەشتە.
لە بەیاننامەگە هاتییە، ئیمە جۊر نۊنەرایەتی حكومەت هەرێم له فه‌ره‌نسا، له رووژ یه‌كه‌م رووداوه‌گه وە فه‌رمی وەگەرد وه‌زاره‌ت داد و وه‌زاره‌ت ناوخوە و پۆلیس فه‌ره‌نسی و تیم لێكۆڵینه‌وه له رووداوه‌گه هانە پەێوەندیی، راگەێنیمن ئه‌و لیسته فه‌رمی نییه و وە هۊیچ جۊریگ وە لایەن ده‌زگا فه‌رمییه‌گان فه‌ره‌نسا پشتراست نەکریایە.
دیاری کرد، تاوه‌كو ئیسە ئه‌وان هۊیچ بڵاوكریای فه‌رمیگ نەدانە لە ناسنامه‌ی قوربانییه‌گان، ئه‌وه‌گ له رێ لایه‌نه فه‌رمی و په‌یوه‌نیدارەگان فەرەنسا وەپیمان راگەیاندنە له چه‌ن رووژ کەم ئایندە و دۊیای ته‌واوبۊین لێكۆڵینه‌وه‌گان، وە فه‌رمی ناسنامه‌ی قوربانیەگان راگەێنن.
وتیش؛ دۊیای راگه‌یەنراو لایه‌نه په‌یوه‌نیدارەگان فه‌ره‌نسا و ته‌واوبۊین رێكاره یاساییه‌گان لەرێ نۊنەرایەتی حكومه‌ت له فه‌ره‌نسا و لەبان ئه‌رك حكومه‌ت ههرێم كوردستان ته‌رم قوربانیەیلە ئەوانەگ هاوڵاتی كوردستانن گلەودریەن ئەرا ههرێم كوردستان".
نۊنەرایەتی حکومەت هەرێم کوردستان لە فەرەنسا خوازێد : "رێز له هه‌س خانه‌واده و كه‌سوكار قوربانیەیل بگرن و نەکەفنە نوای لایه‌نه فه‌رمییه‌گان، له بڵاوكردن ئامار و ناسنامه‌ی پشتڕاست نه‌كریای قوربانییەیل رووداوه‌گه".
لە 24 تشرین دۊیەم 2021 بەلەمیگ ل ئەڵگر کووچبەرەیلە لەکەناڵ ئینگلیزی مابەێا فەرەنساو بەریتانیا نقووم بۊی و رووداوەگە بۊیە مدووی نقومبۊین شمارەیگ لەلیا وە لە ڕاپۆرتە سەرەتاییەگانیش باس لەوە کریایە ک لەمابەێن خنکیاگەیل قوربانی کورد هەس.