هەڵگورد شێخ نەجیب وەڕیەوبەر ئیدارەی سەروەخوەی سۆران لە بەیانامەیگ رەسیە ئاژانس شەفەق نیوز وت: ئەوەسا وە ئامادەبوین کەسەیل حکومەتی وە رسووم فەرمی مەرز (زیتە) ئەرا گەشتیارەیل واز کریەێد، وتیش: کار لە گام دویەم ئەرا گورجەوکردن جموجویل بازرگانی لەی مەرز نووە جیوەجی کریەێد.
وتیش: عیسا عەزیز سەرۆک ئەرکان پیشمەرگە وە یاوەری شاندیگ سەربازی سەردان مەرزەگە کرد ئەرا دانوسەنین لە باوەت رەوش ئەمنی ناوچەگە، و پەرچون کوردستان وەلایەن قایمقام قەزای مێرگەسۆر ئەرا یەکەمین جار بەرزەو کریا.
لە کۆتایی بەیاننامەگە وتیش: مەرز ناودەوڵەتی زیتە کەفێدە ناو سنوور ناحیەی (شێروان مەزن) لە قەزای مێرگەسۆر لەناو ئیدارەی سەروەخوەی سۆران، و ئەوەسا بوودە مەرز سنووری نوویگ ناوبەین هەرێم کوردستان و تورکیا.
هەرێم کوردستان پەنج مەرز سنووری فەرمی و سەرەکی وەگەرد سێ دەوڵەت هاوسا دیرێد، هەرلە: ئیبراهیم خەلیل نزیک زاخۆ، وەگەرد تورکیا و فرەی خوازینەیل هەرێم کوردستان وەی مەرزە تیەێد، و مەرز فیشخابوور لە پارێزگای دهۆک وەگەرد سوریا، و مەرز حاج عومران لە پارێزگای هەولێر وەگەرد ئیران، و مەرز باشماخ لە پارێزگای سلێمانی وەگەرد ئیران، و مەرز پەرویزخان نزیک شار کەلار لە پارێزگای سلێمانی وەگەرد ئیران.