شەفەق نیوز/ وەزارەت شارەوانی و گەشتوگوزار لە حکومەت هەرێم کوردستان، ئمڕوو یەکشەممە، راگەیان دووارە کارکردن لە پڕۆژەی ئاو دەربەندیخان، ک لە دوو ساڵ گوزەشتە وسیا.   

وەزارەتەگە لە بەیاننامیگ رەسیە ئاژانس شەفەق نیوز وت: بوودجەی ئەو پڕۆژە تەرخان کریا، ک نزیکەی ٦٠% لەلیا جیوەجی کریاگە، س بڕیارە  وەی نزیکە ئەو بەشەگەییش تەواو بکریەێد.  

بەیاننامەگە وتیش: خەرج پڕۆژەگە رەسێدە 17.799.100 مەلیۆن دۆلار ئەمریکی،  و دووپات کرد ک وە سەرپەرشتی وەڕێەوبەرایەتی گشتی ئاو و ئاوەڕۆ،  و وە خەرجکردن وەزارەت شارەوانی و گەشتوگوزار جیوەجی کریەێد.  بەیاننامەگە وتیش: ٧٥ هەزار کەس لە خەڵک دەربەندیخان ئەوەسا لەی پڕۆژە سوود گرن ک گرفت پیسبوین ئاو و کەمیی چارەسەر کەێد. 

ئی پرۆژە لەوەر بڵاوبوین ڤایرۆس کۆرۆنا و هەمیش قەیران دارایی وەگەرد داوەزین نرخ نەفت وسیا.