شەفەق نیوز ـ هەولێر
دەسەی وەبەرهێنان هەرێم کوردستان، ئمڕوو چوارشەممە، راگەیان راستەوخوەی دەسکردنە وە کلکردن بڕ زیایەی گەنم کشاوەرزەیل هەرێم ئەرا دەیشت عراق، و دیاریکرد بڕە فرەگە کە کلکریابوود ئەرا وڵات تورکیای هاوساس.
قسەکەر وەناو دەسەگە بەرگەشت ئاکرەیی وە ئاژانس شەفەق نیوز وت " لەدویای توومارکردن کۆمپانییەیل تایوەت و وەرگردن ئەو گەنمە لای کشاوەرزەیل مەنیە، دەسریا وە کارەیل کلکردن بڕ زیایەی لەلی ئەرا بازاڕەیل دەیشت".
ئاشکرایکرد "بەش گەپیگ لە گەنم وەرگییاگ ئەرا تورکیا کلکریاس، لە وەختیگ بەش ترک لەلی ئەرا وەکار هاوردن ناوخوەیە لە پیشەسازی و بەرهەمە خوەراکیەیل" وتیش "حکومەت هەرێم لە گوزەشتە بڕیاریگ دەرکرد لە وەخشین باج و گومرگ کۆمپانیایەیل کە گرێبەست هەناردەکردن بەرهەم دیرن جویر پاڵپشتی پرۆسەگە".