شەفەق نیوز/ دەسەی باڵای نواگردن ڤایڕۆس کۆڕۆنا لە هەرێم کوردستان، ئمڕوو سێشەممە، بڕیار پشۆی دەوام فەرمی لە رووژ پەنجشەممە لە گشت هەفتەیگ دا، وەگەرد چەسپانن قەیەغەی هاتووچگن وەگەرد پارێزگایل عراق سێ ڕووژ لە هەفتەگە.

سامان بەرزنجی وەزیر تەندروسی لە کۆنگرەیگ رۆژنامەوانی ئمڕوو وت: دەسەی باڵا بڕیگ بڕیار ئەرا نواگردن بڵاوبوین ڤایرۆسەگە وکەمەوکردن لە تووشهاتن و مردنەیل دا، چوونکە گشت پەیمانەیل ئووشن ئیمە هایمنە قۆناغ بەرزەوبوین گەورایگ لە ڤایرۆسەگە، چوونکە لە ماوەی دوو هەفتەی گوزەیشتە تووشهاتنەکان وەشیوەی ئاشکرایگ بەرزەو بوین.

وتیش؛ مەکتەوەکان و زانکۆە حکومەتی و تایبەتەکان تا ١٠ی نیسان بەسیەن، بیجگە ئەو قۆناغەیلە ک مەوقەی تاقیکردنەوە دیرن، توێنن تاقیکردنەوەیلیان ئەنجام بیەن، ودویای هەڵسەنگاندنەگە ئەوەسا بڕیاریگ تر بوود.

هەمیش بڕیار قەیەغەکردن گشت گردەوبوینەکان وەکۆنگرەکان دریا وەگەرد وەردەوامی بەسانن گشت هۆڵەیل بۆنەکان و ئاهەنگەیل و شانۆەکان تا بانگوازیگ تر وەگەرد بەسانن سینەماکان.

و دەربارەی خاڵە وەشکیەنەکان وەگەرد ئەو بەشەیل عراق، وەزیرەگە وت: ئەوەسا ریەکان و جوولەی ناوبەین هەرێم و ئەو پارێزگایل لە روەژەیل پەنجشەممە وجمعە و شەممە بەسیەن، بیجگە جوولەی بازرگانی.

وتیش؛ گشت کافیتریا و چێشتخانەیل لە نۆ شەو تا شەش شەوەکی بەسیەن، و باس بەسانن بازاڕەیل کرد و وەردەوامی لە تاقیکردن گشت ئەوانەگ وەرەو هەرێم تیەنەو.

بەرزنجی وتیش؛ لە ڕووژەیل پەنجشەممە دەوام وسیەێد، هەرلیوا دەوام لە پەنجشەممە تا شەممە وسیەێد، و لە یەکشەممە تا چوارشەممە بوودە دەوام، و جەخت کرد ک جوولەی بازرگانی تەنیا لە مەرزە سنووریەکان بوود.