شەفەق نیوز/ چەودێر کەشوهەوا، ئمڕوو پەنجشەممە، راگەیان لە چەن ناوچەێلێگ لە عراق و هەرێم کوردستان ئەگەر  واران وارین "ئەور وبگرمەوهڕ" وەگەرد داوەزین پلە گەرمی لە شەو دەس کەێد وەپی تا شەفەق سوو.       

نائیل عەلی، لە چەودێری کەشو هەوا لەبان تووڕ کۆمەڵایەتی وە لایەن ئاژانس شەفەق نیوز  چەودیرییکردنۊسان:  رەوشە نائارامێگە وەتایبەت  لە شەو پەنجشەممە تا شەفەق جومعە لایەن گشتی لاوازە و گشت شۊینێگ ناگرێد.    

ودیاری کرد، ئەو ناوچەێلە تۊیش نائارامی تیەن ناوچەێل کۊییەێلە و ناوچە جیاوازەێل لە باکور میسان و واسیت و چەن ناوچەێگ لە دیالە و وە تایبەت بەشەێل باشور و سنور خوەرئەڵات.     و باسکرد، لەێرە ئەگەر واران دێرد لە ناوچەێل تر جوور بەغدا و خوەرئەڵات بابل باکور زیقار و ناچەیلتر میسان و خوەرئەڵات و باکور بەسرە، و باس کرد ئەگەر واران فرە کەمێگ دیرد لەو ناوچەێلە ناوی ناوریایە.    

باس لەوە کرد کەمکەمە لە شەوەکی یا لە ماوەی نیمەڕو دەسکەێدەپی لە شەو رەسێدە لوتکە، وتیش واران و گرموهڕ تۊنێگ ها وەگەردی ئەگەر هەس وای نزمێگ وەگەردی بوود وە تایبەت لە ناوچەێل بەدرە و جەسان و ناوچەێل خوەرئەڵات واسیت، رەسێدە ناوچەێل باکور میسان(( عەلی غەربی)) و کەمترین وارین لە ناوچەێل ناوەن واسیت و خوەرئاواگەی.    

دیاری کرد بەرزترین پلەی گەرمی چەوەڕی کریاگ لە درۊیژایی رووژ لە ناوچەێل باکور ها لە ناوەن 17-23 ، و ناوچەێل ناوراس  24-26 ، و لە فورات ناوراس26-27، و ناوچەێل باشوور 26-27 ، و ناوچەێل خوەرئاوا 19-20 ، لە رووژەێل جومعە و شەممە فیشتر داوەزێد.    

و دیاری نزمترین پلە گەرمی کرد لە درۊیژایی شەو لە ناوچەێل باکور ها لە ناوەن 6-10 ، و ناوچەێل ناوراس  11-13 ، و لە فورات ناوراس13-14، و ناوچەێل باشوور 26-27 ، و ناوچەێل خوەرئاوا 10-9 ، و ناوچەێل کۊیەێلە ها لە ژیر سفر.       

وتیش وای باشوور خوەرئەڵات تۊنیەگەی گەرجەو بوود وە تایبەت لە ناوچەێل باشوور و ناوچەێل خوەرئەڵات ناوچەێل واسیت تۊنیەگەی لە واسیت رەسێدە 45کم لە ساعاتێگ، ناو گرموهڕەگە فیشترە لە ناوچەێل واراناوی و ئاراسەی واگە  کەمکەمە  ئەرا باکور خوەرئاوا لە رووژ جومعە لە گشت وڵاتەگە ئاڵشت بوود.