شەفەق نیوز/ هەر لە شەوەکی زویەو بڕیگ لە خاوەن ماشینەیل شار هەولێر پایتەخت هەرێم کوردستان، روی وەرەو ئەو بەنزینخانەیلە کەن کە بەنزین حکومەتی پاڵپشتیکریاگ فرووشن.

رانندەی وە رزەیل درویژیگ لەو بەنزینخانەیلە وسیەن کە دەسەڵاتەیل ناوخوەیی لە هەرێم کوردستان دیارییان کردنە تا بەنزین حکومەتی پاڵپشتیکریاگ بوەن.

نەسرەدین سەعید (خاوەن بەنزینخانە) ئەرا ئاژانس شەفەق نیوز وت: بڕیک لە رانندەی روی وەرەو بەنزینخانەیل کەن تا بەنزین حکومەتی بسینن، کە کوالیتی بەرزە و نرخی لە بەنزینخانەیل تایبەت ئەرزاتترە، دیاری کرد بەنزینخانەی خوەی هەر سێ رووژ  36 هەزار لیتر وەنرخ 750 ئەرا یەک لیتر بەشەو کەێد.

لەلای خوەییش، مەحمود (خاوەن ماشین) ئەرا ئاژانسەگە وت: بەنزین حکومەتی پاڵپشتیکریاگ خاسترە لە هن ئەو بەنزینخانەیل، چوینکە وەشیوەیگ گەورەتر خریاسە ژیر چەو، و نرخەگەی کەمترە، کە نرخ یەک لیتر لەو بەنزینخانەیل رەسێدە نزیکەی 850 تا 950 دینار.

وتیش: یەیش فرە دەسمیەتی خاوەن ماشینەیل تەکسی و فەرمانبەرەیل و کراکارەیل دەێد وە سەنین ئی بەنزین حکومەتیە بەشیگ پویل ئەرایان بمینێدەو، یەسە کە هیلێد مەردم وە رزەیل درویژیگ بوسیەن.