شەفەق نیوز - هەولێر
ئمڕوو دوشەممە، ناوەندیگ ئەرا "سەرچەوەیل ئاو و خاک" لەناو باڵەخانەی وەڕێوەبەرایەتی ئاویاری پارێزگا لە شار هەولێر پایتەخت هەرێم كوردستان واز کریا، ئەوەیش لە گامیگ کە ئامانج لەلی پەرەپیدان کەرت ئاویاری و پشتبەسین وە بنەما زانستییەیلە لە ئیدارەی سەرچەوە سروشتییەیل.
وەگورەی بەیاننامەیگ لە پارێزگای هەولێر، کە رەسیە ئاژانس شەفەق نیوز، وت: دامەزرانن ئی ناوەندە وە ئامانج دروسکردن بنکەیگ داتا ئەرا رۊوەڕۊبوین ئاڵشبویەیل کەشوهەوا، و مقیەتیکردن ئاوەیل ژیر زەوی، و پەرەپیدان کەرت کشتوکاڵی لەڕی نەخشەیلیگ دیجیتاڵی پیشکەفتگ تیەێد.
وەپەی بەیاننامەگە: ئی ریکارە نوێنەرایەتی گامیگ گرنگ کەێد وەرەو وەدیجیتاڵکردن زانیارییە ژینگەییەیل و دابینکردن سەرچەوەیلیگ باوەڕپیکریاگ ئەرا توێژەرەیل و بڕیاردەرەیل ئەرا کەمەوکردن لە زیاوەکارهاوردن سەرچەوە سروشتییەیل وە شیوازەیلیگ زانستی سەردەمیانە.