شەفەق نیوز ـ هەولێر

شار هەولێر پایتەخت هەرێم کوردستان، ئەمڕوو  شەممە، ئاهەنگ ئاڵشتکردن و واز کردن ناوەندیگ نوو ئەرا پێشکەشکردن داواکاریەیلی وەرگردن ڤیزای چگنە  تورکیا وەخوەی دی، لە چوارچمگ ئەو تەقەلایلیە کە درێد ئەرا ئاسانکاری لە رێکارەیل ئی مژارە.

لە ئاهەنگەگە پارێزگار هەولێر ئۆمێد خۆشناو، و وەزیر هەرێم ئەرا پێکهاتەیل ئایدن مەعرووف، و قونسوڵ گشتی تورکیا لە هەولێر ئێرمان تۆپچو، و سەرۆک شارەوانی هەولێر، و سەرۆک دۆسییەی کارووبار تورکیا لە مەکتەو پەیوەنیەیل دەرەوە، و شمارەیگ لە بازرگانەیل بەشدار بۊن.

لە ئی بارە، پارێزگار هەولێر لە لێدوانیگ ئەرا رووژنامەنووسەیل لە پەراوێز ئاهەنگەگە وت: ناوەندەگە وە شێوەیگ سەرەکی ئامانجێ پێشکەشکردن خزمەتگوزاریەیل پەیوەنیدار وە داواکاریەیل ڤیزای تورکیا و ئاسانکاری لە رێکارەیل ئەرا هاووڵاتیەیلە.

 دیاریکرد، واز کردن ئی ناوەندە لە هەولێر کریاگەسە هەنگاویگ نوو وەرەو ئاسانکردن رێکارەیل پێشکەشکردن داواکاریەیل ڤیزا و بەرزکردن خزمەتگوزاریەیل قونسوڵگەری ئەرا هاووڵاتیەیل هەرێم کوردستان.