دکتۆر سەروەر محمد وەڕیەوبەر ناوەند چینی لە زانکۆی سلێمانی ئەرا ئاژانس شەفەق نیوز وت: ئی کتاوخانەی چینی نووە کەفێدە زانکۆی سلێمانی کتاوەیلیگ لە میژوو و هونەر و کەلتوور و پزشکی و مۆسیقای چینی هاناوی.
وتیش: وازکردن کتاوخانەگە لە چوارچیوەی تەقەلایل فراوانکردن هامشوو کەلتووری و زانستی ناوەین هەرێم کوردستان و وڵات چین تیەێد.
دیاری کرد کە کتاوخانەی چینی جویر پەنجەرەیگە ئەرا جویراجویر بازنەیل کۆمەڵایەتی لە هەرێم کوردستان ئەرا ناسین وڵات چین، و هەمیش جویر سەکوو نوویگ ئەرا قویلکردن گواستنەوەی زانستی و ئەکادیمیایی و رووشنهویری.
وتیش: کتاوخانەگە لەڕوی خوەنەوارەیل بیگانە وازە ئەرا سوودگردن لە سەرچەوەیلی.
کتاوخانەگە هەزاران کتاو وە زوان چینی و ئینگلیزی و کوردی هاناوی، بیجگە لە فۆڵدەرەیل ئەلیکترۆنی کە زانیاری لە سیاسەت و ئابووری و کەلتوور و زانست و تەکنۆلۆژیا و میژوو لە وەڵات چین هاناوی.