شەفەق نیوز/ کۆمپانیای (لالاڤ) لە هەرێم کوردستان، ئمڕوو یەکشەممە، خەسەخانەیگ تایبەت وە چەودیری وورد لە پارێزگای هەولێر واز کرد، ئەرا وەرگردن بیمارەکان وە گشتی، و تووشهاتگەیل ڤایڕۆس کۆڕۆنا وەتایبەت.

دکتۆر دلۆڤان جەلال وەڕێۆبەر تەندروسی گشتی لە هەولێر، لە مەوقەی رسوومەیل کردنەوەی خەسەخانەگە وت: هویرکردن ئەرا کردنەوەی ئی خەسەخانە، لەدویای تێبینی لە کەمی شەوخەفەیل ناو ئەو خەسەخانەکان لە هەولێر هات، وەگەرد بڵاوبوین کۆڕۆنا لە هەرێم.

وتیش؛ ئەوەسا ئی خەسەخانە فرەتر تەرخانی ئەرا تووشهاتگەیل ڤایڕۆسەگە کریەێد، و ئومید داوەزین رێژەی تووشهاتنەکان خوازیمن، وەلی وەگورەی ئامارەیل وەردەسمان و ئەوەگ ناوچەیە ناوڕاس و باشوور عراق وەخوەیان دوینن، رێژەیەگە وەرەو بەرزەوبوینە، وەگەرد بڵاوبوین بنچینە نووە ئاڵشتبویەگە، ئەراوە داوا لە هاووڵاتییەکان کەیمن پابەند وە رینما تەندروسیەکان و کارە مقەیەتیەکان بوون، ک خوەی تەنیا رییگە ئەرا نواگردن کۆڕونا.

ئومێد خۆشناو پارێزگار هەولێر لە وتاریگ لە کردنەوەی خەسەخانەگە وت: دووپات لەبان پاڵپشتی گامەکان لە کەرت تەندروسی وەگەرد ئەو کەرتەکان کەیمن، ئەرا پێشکەشکردن خزمەتگوزارییەیلیگ زیاتر و خاستر لە هەولێر.

پارێزگار هەولێر وتیش؛ ئەوەسا گشت ئاسانکاریبگ ئەرا کیشانن خاوەن کارەکان و سەرمایەدارەکان کەیمن ئەرا بەرهەمهاوردن لە پڕۆژەیل هەولێر وەو شیوە ک خزمەت هاووڵاتییەکان بکەێد.

لەلای خوەییش دکتۆر سامان بەرزنجی وەزیر تەندروسی وت: خوەشحاڵیمن وەکردنەوەی پڕۆژەیگ گرنگ و ستراتیژی و ئەوە خاڵ گرنگ کارەیلمانە لە دابینکردن چارەسەرکردن بیمارەیل وەگشتی و تووشهاتگەیل کۆڕۆنا.

و دووپات کرد ک وازکردن خەسەخانەیگ تایبەت وە چەودیری وورد خاوەن گرنگی فرەیگە لە کەرت تەندروسی، چوونکە ئی بەشە بوودە خاوەن یەکلاوەکردن لە وەردەوامی ژیان بیمارەگە.