شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو پەنجشەممە، راگەیان وە مدوو ئەو شەپوولە روی لە هەرێم کردیە واران و وەفر وارێد وەگەرد داوەزیان کەمیگ پلەی گەرمی.

دەسەگە لە بەیانامەیگ راگەیان"ئمڕوو ئاسمان نیمەئەورە دویایی ئاڵشتبوود ئەرا ئەور تەواو، لە ئەنجام هاتن شەپۆلیگ وەفر و واران وارین وەبان ناوچەگەمان، سەرەتا لەدویای نیمەڕوو واران وارێد وەشیوەی نمە واران و واران مامناوەنیگ لە پارێزگای دهۆك و ئیدارەی زاخۆ دویایی کاریگەریەگەی درویژەوبوود ئەرا ئیدارەی سۆران و راپەرین و پارێزگای هەولێر وە لە ناوچە کویەیل باكورو باكوور خوەرهەڵات  هەرێم وەفر و کریوە وارێد".

دیاریکرد" دیر وەخت شەو و شەفەق رووژ جومعە واران وارین گشت هەرێم کوردستان گرێدەو وەفر لە فرەیگ لە  ناوچە کویەیلە وارێد هەمیش مەزەنەکرێد  وەفر لە سنتەر پارێزگای دهۆك و پارێزگای سلێمانی و قەزا و ناحیەیل ئەو دوو پارێزگایە و ئیدارە سەربەخوەیەیل بوارێد".

  ئاشکرایکرد، پلەی گەرمی کەمیگ نزمەوبوود بەراورد وە توومارەیل دویکە.

بەرزترین پلەی گەرمی مەزەنەکریاگ وە پلەی سیلیزی:

هەولێر     : 11 پلەى سیلیزى

سلێمانی  :  9 پلەى سیلیزى

دهۆک     : 9 پلەى سیلیزى

کەرکوک  : 13 پلەى سیلیزى

زاخۆ      :  9 پلەى سیلیزى

هەڵەبجە : 10  پلەى سیلیزى

حاجی ئۆمەران: 3-  پلەى سیلیزى

سۆران: 8 پلەى سیلیزى

گەرمیان  : 17 پلەى سیلیزى.