شەفەق نیوز - هەولێر

وەڕێوەبەرایەتی کەشناسی و چەودێری زەویلەرزە لە هەرێم کوردستان، ئمڕوو پەنجشەممە،  مەزەنەیل دۆخ کەشناسی ئەرا ئمڕوو و سوو راگەسان و دیاریکرد  ئەرا وارین واران لە ناوچەیل جیاواز و نمەواران تریشقەدار لە ناوچەیل جیاواز وە داوەزیانیگ سووک لە پلەی گەرمی.

وەڕێوەبەرایەتییەگە لە بەیاننامەیگ  رەسیە ئاژانس شەفەق نیوز وت:  ئاسمان ئمڕوو پەنجشەممە لەناوەین نیمەئەورە تا ئەور تەواو بوود،  واران لە دویای نیمەڕوو ئمڕوو لە بەشەیل خوەرئاوا و سنوور پارێزگای دهۆک دەسوەپێ کەێد وە شیوەی نمەواران سووک تا ناوڕاس، و دوایی وە شیوەی کوتکوت فراوان بوود تا گشت ناوچەیل گرێدەو لە وەختەیل جیاواز، و دیاریکرد، کاریگەری وارانەگە شەو لە ناوچەیل باکوور و باکوور خوەرهەڵات زیای بوود وە مەزەنەی  تریشقە کریەێد.

دیاری کرد، وا سووک تا ناوڕاس  خێراییەگەی 10-20 کم بوود و ئاراستەی باشوور خوەرهەڵاتە، لە وەختیگ مەودای نوڕین لەناوەین 7-9 کم بوود، و توومارکردن بەرزبوینیگ سووک لە پلەی گەرمی بەراورد وە  دویەکە.

لەباوەت کەشوهەوای سوو جومعە، کەشناسی مەزەنە کرد ئاسمان تەواو ئەور بوود وەگەرد بەردەوامبوین وارین واران کوتکوت لە فرەیگ ناوچەیل، کە گاجارگ بوودە نمەواران تریشقەدار، کاریگەریەگەی  لە ساعاتەیل شەو کەمەو بوود.

ئاشکراکزد،  پلەی گەرمی سوو جومعە داوەزێد وە  1-2 پلەی سەدی بەراورد وە ئمڕوو، وە وای باکوور خوەرهەڵات سووک تا ناوڕاس و مەودای نوڕین لەناوەین (6 - 8 کم).

پلەی گەرمی  مەزەنەکریان وە پلەی سەدی:

هەولێر: ئمڕوو 34 - سوو 32

سلێمانی: ئمڕوو 32 - سوو 30

دەهۆک: ئمڕوو 32 - سوو 29

هەڵەبجە: ئمڕوو 32 - سوو 31

پیرمام: ئمڕوو 30 - سوو 28

چەمچەماڵ: ئمڕوو 36 - سوو 33

زاخۆ: ئمڕوو 33 - سوو 31

گەرمیان: ئمڕوو 36 - سوو 35

حاجی ئۆمەران: ئمڕوو 22 - سوو 20.