شەفەق نیوز - سلێمانی

وەڕێوەبەرایەتی کەشوهەوا و چەودیاری زەۊلەرزە لە پارێزگای سلێمانی، رووژ شەممە، راگەیان توومارکردن بەرزەوبۊنیگ دیار لە بڕ وارانەیل لە ماوەی وەرز ئیسە، وە وەراورد وەرد خود ماوە لە ساڵ گوزەشتە.

 وەڕێوەبەر کەشوهەوا و چەودیاری زەۊلەرزە لە سلێمانی، جەوهەر حەمە لاو، ئەرا ئاژانس شەفەق نیوز وت، کە "بڕ گشتی وارانەیل توومارکریاگ لە سەنتەر پارێزگای سلێمانی لە سەرەتای وەرز واران ئیسەو رەسیەسە 69.6 ملم، وە وەراورد وەرد نزیکەی 40 ملم لە خود ماوە لە ساڵ گوزەشتە، وە زیایبۊنیگ کە بڕەگەی 29.6 ملم بۊ، و وە رێژەی بەرزەوبۊنیگ کە رەسیەسە نزیکەی 74%".

دیاری کرد کە "وێستگەیل چەودیاری کەشوهەوا لە ناوچەیل پارێزگاگە جیاوازییگ ئاشکرا لە بڕ وارانەیل توومار کردنە، کە ناوچەی خەلەکان کەفتە نوای لیستەگە وە بڕ 52 ملم، دۊای ئەوەیش قەڵادزێ وە 49 ملم، دۊاتر هەڵشۆ وە 39.6 ملم، و حاجیاوا وە 38.7 ملم، لە وەختیگ دوکان 32.2 ملم توومار کرد، و ناحیەی ئاغجەلەر 32 ملم، و چوارتا 30.2 ملم".

 دەسنشان ئەرا ئەوە کرد کە "بڕ وارانەیل لە رانیە رەسیەسە 27 ملم، و لە قەرەداغ 7.3 ملم، لە وەختیگ ناوچەیلیگ ترەک رێژەیل جیاجیایگ توومار کردنە، لە ناویان چەمچەماڵ وە 6.9 ملم، و شارەزوور وە 4.2 ملم، وەپەی زانیارییەیل وێستگەیل چەودیاری کەشوهەوا".

 دریژە دا وە قسەیلی و وت کە "ئی شمارەیلە جیاوازی دابەشکردن وارین وارانەیل لە ناوەین ناوچەیل پارێزگای سلێمانی رەنگەو دەن، وەرد توومارکردن بڕەیل بەرزتر لە بڕیگ لە ناوچە کویەیل وە وەراورد وەرد ناوچەیلیگ ترەک".