شەفەق نیوز/ عەمید دیار ئیبراهیم وەڕیەوبەر وەرگری شارستانی لە پارێزگای سلێمانی، ئمڕوو یەکشەممە، سزیان ماڵیگ وەتەواوی لەوەر نزەکردن غاز راگەیان.

عەمید ئیبراهیم ئەرا ئاژانس شەفەق نیوز وت: نیمەڕو ئمڕوو، ئاگادار وەڕێەوبەرایەتی وەرگری شارستانی لە سلێمانی کریا، ک یەکیگ لە ماڵەیل ناوچەی (دراوغا) لە سلێمانی ئاگر گردیە، وەکوتپڕ تیمەیل وەرگری شارستانی وەرەو شوین رویداوەگە چگن.

وتیش: رویداوەگە لەوەر نزەکردن لە بوتڵ غاز ئاشکردن ئاگرەگە وەتەواوی سزیایە، وەبی توومارکردن زەرەد گیانی.

عەمید دیار وتیش: شەوەکی ئمڕوو نزەکردن غاز لەناو دوکانیگ لە ناوچەی سابونکەران بەشیگ لە دوکانەگە سزان و شویشەگەی شکان.

لە هەفتەی گوزەشتە، ئاگریگ وەیجویرە وەتەقیان ئەمار غاز لەناو ماڵیگ لە سلێمانی بویە هووکار کوشیان ١٥ کەس و زەخمداری ١٢ کەستر.