شەفەق نیوز/ دکتۆر سەباح هەورامی، وەڕیەوبەر تەندروسی پارێزگای سلێمانی، ئمڕوو پەنجشەممە، پەیمان دا ک ئەگەر حەپیگ پاراسیتۆڵ لە بەغداو هاتیەسە پارێزگاگە، دەس لە پۆستەگەی کیشێد. 

ئەوەیش لە کۆنگرەیگ رووژنامەوانی هات لە وەڵام بڕیگ لە ئەندامەیل ئەنجومەن پارێزگاگە ک وەرجەیە لە وتارەیلیگ رووژنامەوانی کلکردن دەرمان وخوازینەیل پشکی ئەرا پارێزگاگە راگەیانن، گوایە لە جیوەجیکردن داواکاریەیلیگ لەلایەن ئەوان لە تەندروسی عراق هاتیە.   

دکتۆر هەورامی لە کۆنگرەگە وت: تا ئیسە حەپیگیش "پاراسیتامۆڵ" لەبان داواکارییگ پەرلەمانی ئەرامان نەڕەسیە. 

وتیش: تەحەدای ئەو پەرلەمانتارەیلە کەم هەر کتاویگ فەرمی لەلایەن وەزارەت تەندروسی عراق یا هەر لایەنیگ لە عراق بخەنە وەردەس ئەوە بچەسپنێد ک دەرمان وەجیودجیکردن داوایان ئەرا پارێزگای سلێمانی کلکریایە، وئەو مەوقە بڕوا بکەن من لە پۆستەگەم واز تیارم.