شەفەق نیوز/ ره‌نج عومه‌ر، ئەو کویەلەوانە وەرجە دوو مانگ بڕیاردا بچوودە بان کویەی ئێڤێرێست و لەورا پەرچەم کوردستان هەڵبەێد، دویەکە دووشەمەمە، رەسیە بان کویەی ئێڤرێست و لەورا پەرچەم کوردستان هەڵدا، باوجی لەوەر یەخ و سەردی دیەی لەدەسدا.
رێژین ئه‌حمه‌د، هاوسەر ئەو کویەلەوانە، ئمڕوو سێشەممە ڕاگەیان: رەوش رەنج لە کویەی ئێڤێرێست بەدە، و تەندروسیی خراو بویە، هەلیکۆپتەریگ تایبەت لەبان کویە هاوردیەسەی خوار، و ئیرنگە لە خەسەخانەی شار کاتماندۆ پایتەخت وڵات نیپاڵ، هاژیر چەودێری پزشکی''.
وتیش: ''من ئی شەوەکیانە وەگەرد رەنج قسە کردم، ها خەسخانە، و لەوەر یەخ و سەردی دیەی چەو راسی لەدەسدایە، و ئەو چەوەگەی تاریک بویە، ئەراوە پزیشکەیل وەپی وتنە ک بایەتە چارەسەری وەربگرێد، بەشکی نووڕستن ئەرای باێدەو، و ئیمەیش چەوەڕییمن وە سەلامەتی ئەرا ناو خاک هەرێم کوردستان گلەو بخوەێد".