وەڕێوەبەرایەتیەگە لە بەیاننامەیگ راگەیان، " وەپای رێنمایی وەزارەت دارایی و ئابووری و وەڕێوەبەرایەتی گشتی خانەنشینی لە رووژ دووشەممە 29ی تەمموز 2024، فۆرم دابەشکردن زەوی لە بانکەیل بەشەوکرێد.
وەڕوەبەرایەتیەگە چەن رێنماییگ ئەرا خانەنشینەیل بڵاوکردیە:
1 – هەر خانەنشینیگ لەکام بانک مووچە وەرگرێد بایەت سەردان ئەو بانکە بکەێد ئەرا فۆرم.
2 – تەنیا خانەنشینی زینگ گرێدەو کە فەرمانبەر بویەو و خانەنشین میراتگر ماف وەرگردن فۆرم نەێرێد.
3 – هەر خانەنشینیگ کە كارتی زانیاریی دەێشت هه‌رێمه فۆرم زه‌وی وەپی نیەدرێد.
4 – لەناو وەڕێوەبەرایەتی خانەنشینی گەرمیان هویچ فۆرمیگ بەشەو نیەکرێد و پڕەونیەکرێد، تکایە کەس ئەرا ئیە سەردان نەکەد.
5 – تەنیا فۆڕمەگان لە وەڕێوەبەرایەتی خانەنشینمان وەرگیرێد.
6- لەوەخت وەرگردن فۆرمەیلە بایەت کۆپیگ لە كارت نیشتمانیی سه‌رۆك خێزان و خێزان خانه‌نشین + كارت زانیاری+ ناسنامه‌ی خانه‌نشینی هاوپێچ فۆرمه‌گه بكرێد له‌یه‌ك وه‌ره‌قه‌ی ره‌نگاوڕه‌نگ.
7- ژن و شوی ئه‌گه‌ر هەردووگیان خانه‌نشین بوین هەرکامیان خاڵی زیاتر بووی ئه‌وه‌یان فۆرمه‌گه پڕەوکەێد.
8- خانه‌نشینەیل ته‌نیا ئێ خاڵەیلە پڕەوکەن(ناوی چواریی داواكار و ناوی چواریی داڵگ و شوین نیشته‌جیبوین وەپای كارت زانیاری و شوینی لەداڵگبوین و باری كۆمه‌ڵایه‌تی و شمارەی ئه‌ندامەیل خێزان و له‌خشته‌گه‌ی خوار ناو سه‌رۆك خێزان و خێزانه‌گه‌ی بنویسێد).
9- ئێ خاڵەیلە وەلایەن وەڕێوەبەرایەتیەگەمان پڕەوکرێد كارو فه‌رمانگەگە كه‌لێی کارکەێد و شمارەی ساڵەیل خزمه‌ت و پشتگیریی وه‌رده‌وام له راژه.