شەفەق نیوز/ شیروان میرزا پەرلەمانتار  فراکسیۆن یەکێتی نیشتمانی کوردستان، ئمڕوو بەکشەممە، راگەیان وەی نزیکە شاندیگ کوردی سەردان بەغداد کەێد، ئەرا باسکردن لە جیوەجیکردن یاسای بوودجەی گشتی و خەرجکردن شایستەیل هەرێم.

میرزا ئەرا ئاژانس شەفەق نیوز وت: شاندیگ هونەری ئەوەسا لەماوەی رووژەیل ئایندە روی وەرەو بەغداد کەێد تا باس لە میکانزم جیوەجیکردن مادەیل یاسای بوودجەی گشتی ئەرا ئی ساڵە بکەن و لەناویان مادەی ١١ ک پەیوەندی وە بەش هەرێم کوردستان دیرێد.

وتیش؛ ئەوەسا شاندە کوردەگە چەوی کەفێدە دەسەی هونەری حکومەت فیدڕاڵی ک وەی دویاییە دروس کریا، ئەرا باس میکانزم خەرجکردن شایستەیل و بەش هەرێم کوردستان لە یاسای بوودجەگە.

میرزا نشان دا ک موستەفا کازمی سەرۆک وەزیران لە رووژەیل گوزەیشتە دووپات کرد لە تەواوبوین ئامادەکاریەکان ئەرا جیوەجیکردن دەرەیل یاسای بوودجەگە و خەرجکردن شایستە داراییەکان و لەناویان بەش هەرێم کوردستان.